Saturday, December 02, 2006

شاهد عيان على تمكين المرأة


الخميس 30 نوفمبر 2006 ميلادية....الساعة 7 مساءاً
كنت وصديقى هناك.فى مطعم يَطل على بوابة جامعة المنصورة بشارع جيهان فى تقاطعه مع شارع الجلاء ( بوابة الجلاء ) وشاهدت هذا الموقف
مجموعة من الفتيات المنقبات ( 6 قتيات منقبات وواحدة محجبة ) يقتربن من المرور من البوابة ..يقف أفراد حرس الجامعة متحفزين ..يطالبهن بالكارنيهات ..لا يسمحون لهن بالدخول ألا بعد الإطلاع على كارنيهاتهن جميعاً.
قلت لصديقى : أرأيت هذا ؟ ...جاوبنى : إنه إجراء روتينى لكل الداخلين للجامعة شباباً أو بناتاً منقبات أو غير ذلك ....قلت له : أتعتقد هذا ؟ للننتظر ...
بعد قليل ..مجموعة من الفتيات لابسات الجينز والتى شيرت يقتربن من المرور من البوابة ..لم يتقدم إليهم الحرس ..ودخلن الجامعة بسهولة ويسر ....
حقاً ..إنه زمان تمكين المرأة ...!! ولكن ...المرأة - كما يريدون - .............. وعجبى

10 comments:

bintbeladi said...

طيب يا عصام.. مستغرب ليه!!؟
مش هو ده الطبيعي دلوقت..؟
هم دول نماذج البنات اللي هم عايزنها
و الشباب كمان يا ريت لو كانوا عاملين شعرهم ضفيرة و لا بسين بنطلونات باجي و مش عارف ايه!!؟
ده الطبيعي في زمن مش طبيعي
و ده المعقول في زمن اللا معقول
و هو ده المعيار في زمن انقلبت فيه الموازين
راجع نفسك يابني.. يمكن تطلع انت بدهشتك دي اللي غلطان!!؟

المٌهَــــاجِر المَصْـــــــرى said...

مره كنت فى زياره لمصر مع مجموعه من اصحابى بيدروسوا سياحه وفنادق..واخدونى معاهم الكليه علشان اشوفها..وكان فى مظاهره فى كليه الطب والدنيا مقلوبه..المهم كانوا منعين اى حد من الدخول والخروج لحد احنا ما وصلنا البوابه.. وشافوا كرينهات اصحابى اللى بتوع السياحه والفنادق..الظابط قال للعسكرى: دخلهم دخلهم.. دول خمورجيه وبتوع نسوان وملهومش فى السياسه ولا الدين..

هو ده المقياس يا عم الحاج..المتدين ارهابى والخمورجى حر وشريف

تحياتـــى من نيويورك

zaradesht said...

بغض النظر عن موقفي من النقاب
ودون الدخول في : من السبب
لازم نعترف انه في العالم كله دلوقتي
في وضع أمني صعب
وفي ناس بتتخفى بطرق او آخرى علشان تعمل عمليات تخريبية

وأكيد انتم بتشوفوا اللي بيحصل في الأردن والعراق و و و

we2am said...

el magd ll2mn wel 7ars elgam3y!!dool 7'las hy3mlolhm temsal!!
ah ya balad..

رجل من غمار الموالى said...

الأخت بنت بلادى

يمكن أنا فعلاً اللى غلطان
......................
الأخ المهاجر المصرى

ربنا يكون فى عون الجميع ....وأنت اكتر يا باشا
أنت فى أممريكا ..إيه النظام هناك ؟
.....................
الأخ ..
zaradesht
أعتقد أن حكاية الهوس الأمنى .دى ..مش مقنعة 100 % ..مش داخلة دماغى
وحكاية العمليات التخريبية دى ..برضة تسميةغير دقيقة ..كل إنسان بيسمى الأحداث من خلال وجهة نظره ..
ما يحدث فى العراق والأردن وأفغانستان ..دفاع شرعى عن النفس
وليس عمليات تخريبية ..
........................................
الأخت وئام
we2am
فعلا ..حرس الجامعة دول ..وباء ..الواحد ما عاد يستطيع أن يعتبرها جامعة ..بل أصبحت ثكنة عسكرية
......
وشكراً للجميع

karakib said...

انت كنت قاعد فالحجاز بقي :)

FrEe.PhArAoH said...

ايه دا احنا بلديااااااااات

كل كلامك صح

وبتوع بوابة الجلاء الحرس اللى ع اليمين رخمة اساسا

اللى ع الشمال لو بنوته او واحد داخل بثقة عادى .. بس مش اى بنوته سياتك :)

يا ريت نتعرف

تحياتى

الجحيم هو الحقيقه said...

السلام عليكم
صح يا بنى والله الحريه اللى على مز اجهم
الحريه اللى ضد الدين والاخلاق
والفضا ئل هى اللى مسموح بيها
مش عا وز اطو ل اصلى معبى

تحيا تى لشخصك المحترم
مع تمنا يا تى با لتوفيق

أنـــا حـــــــــرة said...

ربنا يحرقهم
قلبوا الموازين أكتر من سمنة روابى
:)

Anonymous said...

يا آه يا آه
وأحلى من الشرف مافيش
الله يرحمك يا توفيق يا دقن
ياللا نروح البار ياولاد..عشان ناخد صك الجنه (المبارك)..ولا ايه؟