أنا مصرى
أنا مصرى أبن مصرى وليا الشرف
برغم المهانة برغـــــــــــــــم القرف
برغم الزبالة اللى مالية الشــــــوارع
برغم الفســـــــــــاد اللى بيه أعترف سمو معـــــــــــــــالى رئيس الوزارةنتيجة موظف بسيـــــــــــــط أنحرف
برغم المجاعة اللى داخلين عليهــــــاوفينا اللى عـــــــايش حياته فى ترف
برغم البطــــــــالة فى أوضة وصالة
برغم أن أخر جنيـــــــــــــه اتصرف
برغم طـــــــــــابور الصباح السخيف
وكل منايا يادوب كــــــــــــــام رغيف
برغم أسايـــــــــا لمنظر عشايـــــــــــا
وأقول مش مهم يــــــــــا واد نام خفيف
برغم إنى شايف بــــــــــلاوى وساكت وعايش مطنش كـــــــــــــــــأنى كفيف
برغم وزارة رئيسهـــــــــــــــا حرامي وشوفوا البجاحـــــــــــــة يقولوا نظيف
برغم الســـــــــــلام اللى غرقت بناسها
برغم العيـــــــال اللى ساكنة الرصيف
برغم حكومة شعـــــــــــــارها الكلام
ورغم رئيسنــــــــــــــــا عليه السلام
ورغم أن كله يــــــــــــــا عالم بيغلى إلا كرامتى بترخص قــــــــــــــــوام
برغــــــم إنى عايش في بلدى فريسة ووجبة شهية لبعض اللئـــــــــــــــــام
برغم أن كـــــــــــــل تاريخك يا بلدى ف عهد جنابه كـــــــــــــلام فوق رخام
برغم ده كله يــــــــــــا مصر بحبك
وطظ فيهم ودا آخر كلام
..................
...............
.............
عن مدونة
5 comments:
بابا عمره ما كتب الكلام ده
جبهة التهييس الشعبية
.......
أفهم من كدة .ان عمنا أحمد فؤاد نجم يبقى ..باباكى
..
ع العموم انا قريت الكلام ده فى مدونة أخرى
ومنسوب لعمنا أحمد فؤاد نجم
وانا كاتب لنك المدونة فى البوست
.............
وانا كمان بحب ارض الكنانه
:)
حلو الكلام بغض النظر بابا اللى كتبه أو ماما... كلنا فى الهوا سوا
الأخت ..jd
مصر تستاهل والله ..برغم كل شئ
...............
...
الأخت عبير سليمان
نورتي البلوج يا ست الكل
...
كان الكلام منسوب لعم أحمد فؤاد نجم
ولكن الأخت نوارة أحمد فؤاد نجم..قالت انه مش من شعر باباها
فتم التصحيح
......
وعلى رأيك ..الكلام جميل مش مهم مين اللى قاله
.........
Post a Comment