Monday, November 06, 2006

هذا العقل فى هذا الزمان...؟!!!!!!!؟


هذا العقل فى هذا الزمان !!!!!!!

قال لى صديقى وهو يحاورنى .. مشيرا لمجموعة من البنات ماريين فى الشارع
...........................
· الساعة دلوقتى 8 مساءأ والبنات دى لسه راجعة من الجامعة
· ...................
· لا .. فيها كتير ..البنت بتخرج من بيتها الساعة 7 صباحاً وبترجع البيت الساعة 8 مساءأ ... 13 ساعة ..أكثر من نصف نهار وهم بخارج البيت .. ، إيه عرفنا ايه اللى حصل لها طوال 12 ساعة بره البيت
· ...................
· تعليم ايه يا عم .. وكلام فاضى ايه..؛ لو التعليم بالشكل ده يبقى بلاش منه .
· ...................
· شكل ايه ؟ ..اتت مش عارف ايه اللى بيحصل فى الجامعة انت بتستعبط ؟
· ..................
· مش غلط ..ازاى ..
· .....................
· معاك ان اللى عاوزه تعمل غلط ممكن تعمل فى أى مكان ..لكن أننا نوفر المكان والزمان والفرصة للغلط بهذا الشكل كأننا بنشجعه وندفع الشباب ليه .
· ....................
· الإختلاط فى الجامعة بالشكل ده مش مريح
· ......................
· والله ؟ ...إخوات ايه يا عم بلاش إستعباط .
· ......................
· بفرض أن البنات كويسين ...الخطر عليهم من الشباب ..الشكل ده مش مريح
· .......................
·
· مش مريح من ناحية أن إزاى الأب والأم ـتاركينها كده .. وإزاى يكونوا مطمئنين عليها
· ..................
· ألدنيا بقت وحشة والناس بقت وحشة والخطر خصوصاً على البنات زاد
· .................
· البنت مهما كانت بنت ..ضعيفة ..وممكن التغرير بيها
· ................
· أنا مش قصدى حاجة ..أنا أختى الكبيرة كانت فى الجامعة وكانت بتخرج من البيت برضه كده وبترجع متأخر ..لكن أنا لم أكن راضى عن كده
· .................
· والدى ..كان فرحان أن بنته بتتعلم فى الجامعة ومعتقد أنه كده أدى رسالتها معها فى الحياة ..
· ......................
· بنتى...( صديقى فعلا متزوج وعنده بنت عمره سنتان) مش عارف ..لكن ...أعتقد أنى مضطر أنى أعلمها وأدخلها الجامعة ... مقدرش أتحمل إحساس أنى سبب فى منعها من التعليم ..
· ......................
· مش عارف ..هو ده الوضع ..أحنا كنا فى الجامعة وعارفيين أن فيه حاجات كتير بتحصل غلط ...
· ................
· أ،ا معاك ..البنات المحترمين كتير ..لكن خروج البنات وتواجدهم مع الشباب فى هذا الجو بدون رقيب وبالإختلاط ده ..يغرى أكتر بالغلط والخروج على التقاليد ..
· ...............
· تقاليد نا يا أخى ...الأدب والحشمة والإحترام ..
· ......................
· التقاليد صحيج بتتغير من مكان لمكان ومن زمن لزمن لكن فيه حاجات ثابتة .. ..سيبك من التقاليد ..الدين ..الإختلاط ده حرام فى الإسلام ..
· .................
· لا تقارن تواجد النساء فى صدر الإسلام فى المسجد لتلقى العلم من رسول الله ( صلى الله عليه وسلم ) ..بتواجد البنات دلوقتى فى الجامعة لتلقى التعليم المدنى بتاعنا ده .
· ..................
· الوضع مختلف والظروف مختلفة والناس مختلفة والزمان مختلف ....
· .................
· والله ده رأيى وكل إنسان حر ....إنت مش عامللى فيه ليبرالى ..
· ...............
وأنتهى الحوار مؤقتاً
إيه رأيكم ؟

6 comments:

Lasto-adri *Blue* said...

كل اللى اقدر اقوله لصديقك... انى ادعى له بالهداية الحقيقة

عشان اللى يبدأها "بان بلاش احسن من التعليم".. معرفش ممكن يختمها بايه


ربنا بجد بجد يهديه

رجل من غمار الموالى said...

شكرا ..للأخت " لست أدرى " ..وعلى فكرة صديقى ده مش رجل وحش ..ده رجل شاعر وشعره رقيق جداً وسيكون له مدونة قريباً ان شاء الله ..وهو مهندس معمارى - مثلى - وأيام أن كنا فى الكلية كان ..شاعر البنات الأول ..إن جاز هذا التعبير ....فكم التعليقات والإستحسان الذى كان يتلقاه من البنات كان كبير جداً وهو أنسان مثقف أيضاً ومتدين ...ولكن هذا رأيه ....وصدقونى ..هناك كثير من الرجال والشباب يوافقونه على رأيه ..بل كثير من النساء والبنات أيضاً .....ولكن أعتقد أن فكرة خروج البنات للتعليم وللجامعة مازالت تثير الجدل على الرغم من إنتشارها ووجودها كأمر واقع ولكن ليس كل مظاهر الحياة التى نعيشها نقتنع بها كثيراً ..المشكلة أن تركيبتنا الثقافية التى يشترك فيها ديننا ومجتمعنا وأسرتنا ودراستنا وقرائتنا وخبراتنا الحياتية ومزاجنا الشخصى تختلف عن المجتمعات الأخرى الغربية بل والشرقية أيضاً ....وهذا التنوع شئ جميل ....الموضوع أكبر من تعليم البنات ..الجوهر ..المرأة ..أين هى مننا من عقولنا ....من مجتمعنا ..بل الموضوع أكبر من ذلك ..أين الرجل من المجتمع ..إن الرجل الذى يفكر فى سجن المرأة داخل جدران المنزل .هو نفسه مسجون فى هذا الوطن الكبير ..

Anonymous said...

بجد؟!!!! بعد كل اللي انت قلته عليه يبان انه مشقف لكن اشك شك مؤكد
لسه فيه ناس بتفكر كده؟؟؟
طيب شوفوا بقي لما واحد زيه و مع كل احترامي ليه يا عصام
لما هو بعد كل الثقافة و الشعر و اللي و اللي
يقول الكلام ده
امال تتوقع ايه من الناس العادية و اللي متثقفتش بتاتا في حياتها؟؟؟


ربنا يهدينا و يهديه

تحياتي

رجل من غمار الموالى said...

شكراً جزيلاً للأخت " حفصة " ولكن هذا الرأى موجوج فى أعماق كثير من الرجال والشباب العربى على الرغم من أنهم قد لا يُظهروه ..فى كثير من جنا إزدواجية فى الشخصية ..نسمح لأنفسنا بأشياء وحقوق لا نسمح يها للأخرين .. كل منا له فهم للكون وللدنيا وللحياة ..هذا التنوع مفيد طالما هناك الإحترام لحرية الأخرين ..ربنا يهدينا جميعاً

أنـــا حـــــــــرة said...

اعوذ بالله م الشيطان الرجيم
بقى ده رأى اصطبح بيه ع الصبح
بص طبعا صديقك ده حر فى رأيه علشان احنا عندنا فائض ديموقراطية و بنرش ع الجيران بس المشكله هنا انك سألتنا عن رأينا
انا شايفة و الله اعلم ان صاحبك دهبيعانى من مرض الازدواجية
و من الناس اللى عايزة تعمل حاجة فى حين الناس الباقية بتعمل حاجه تانيه يعنى هو ربما لو لقى جمع و حشد غفير مش هيعلموا بناتهم ينضم ليهم لكن برغم ايمانه العميق بان التعليم او خروج البنت للتعليم ده هجص و بيفتح عليها بلاوى الا انه مضطر يعلم بنته
اسمحلى ده واحد بيناقض نفسه اصل المؤمن بفكرة ايمان تام لو طوب الارض ناقضه فيها بيعملها و الحمد لله انه ناقض نفسه علشان بنته ماتدفعش التمن مع العلم ان بنته هتبقى فى زمن ازبل اقذر من الزمن ده

اما بقى نقطة ان البنت من كام لكام برة فانا حضرتك اعرف بنات بيرجعوا بعد كده كمان
و انت هندسة بقى يعنى كان عندكم مشاريع و قصص و ساعات تخلصوا 10 و 11 بالليل هو بيتكلم ع الساعة 8 كانها جاية وش الصبح رغم انها بتتعلم يعنى مش نازلة ترقص فى كباريه
و سبحان الله البنت اللى خرجت برة بيتها 12 ساعة علشان تتعلم عليها اللعنه ليها لان كده بتتيحلها الوقت اللى تغلط فيه يا حلاوة
طبعا الكل عارف ان البنت لو محبوسة فى قمقم و عايزة تعمل حاجة و المصحف هتعملها و مش هتغلب

بس فى نقطة الولاد كمان بيتعلموا و بيتأخروا اكتركمان و لعلمك بقى فرصة ضياع الولد اكتر بكتير م البنات لان الولاد الزبالة كتير و بيشدوا بعض و البدايات بتكون صغيرة غير مرئية
و اعتقد الولد اللى صاحبه يعرض عليه انه يشرب سيجارة يقوم شاربها منظرة أولى انه يتخاف عليه
الولد اللى يشرب بانجو و ما شابه اولى انه يتحبس فى بيت امه و ابوه
الولد امثال اللى بيتحرشوا بالبنات اولى انه يتعلق من رقبته اصلا

بس ده يرجعنا للمفهوم الضيق و الشرنقة اللى بنحبس فيها البنت
و مفهوم ان شرف البنات حتة غشاء فى حين ان شرف الولد استك

سورى ان كنت متحاملة على صاحبك
بس فعلا لازم يكون فى منطقية للرأى
و مش هقول ربنا يهديه علشان أكيد هو بيقول علينا ربنا يهدينا برضه
بس ربنا يعمل اللى فيه الخير لينا كلنا و سورى ع الاطالة و الاسلوب لو كان فى شدة بس مش قصدى انا بس بكتب اللى بييجى على بالى

Anonymous said...
This comment has been removed by a blog administrator.